ते तुला ही शेंदुर फासतील---सनवीर नरवाडे

 

आज तुझ्या नावाचा

जप करतील ज्यांना

माहिती झालं आहे

की तुझी आज जयंती

आहे....!

            काल परवा ज्यांनी

            मुस्लिमांना शिव्या

            घातल्या बहुजनांना

            धमक्या दिल्या..

आरक्षणावर बोट ठेवलं 

हिंदू राष्ट्र-वादाच्या गप्पा

मारल्या देश प्रेमाचे धडे

दिले ते सारे तुझा जप 

करतील...!

            दंगलीत ज्यांनी माणसं 

            मारली भांडवलाची पोट

            भरली नक्सली ठरवुन

            समाज सेवक जेल मध्ये

            भरले ते सारे तुझा जप

करतील जपात पाप

लपवण्याची ही रित 

खुप जुनी आहे....!

पण तु नास्तिक 

होतास हे तुझा 

               

             जप करणाऱ्या माहीत 

            नसतं तु कडवा कम्युनिस्ट

           होतास हे त्यांच्या गावीही

           नसते स्वराज्यापेक्षा जास्त

            

बौद्ध हिंदू मुस्लिम ख्रिश्चन

भाईचारा आहे असे तुझे 

बोचरे विचार त्यांना माहित

नसतात त्यांना फक्त शेंदुर

           फासता येतो महा 

          पुरुषाचा देव करता 

         करता येतो देशभक्ती

        चा देव म्हणुन तुला ही 

        शेंदुर फासतील ......!

✍️ *SanveeR Narwade* ✍️

Date:- 29/09/2020