बालपण कालचे - सनवीर नरवाडे

                                                        बालपण कालचे

रस्त्याने चालताना दगड दिसला , पायानी भिरकवत तो दूर न्यावासा  वाटला , तर तुम्हांला बालदिनाच्या शुभेच्छा ! !

आईसक्रीमचा कप पुढे आला , झाकण काढल्यावर ते चाटून स्वच्छ करण्याची ईच्छा झाली , तर तुम्हांला बाल दिनाच्या शुभेच्छा ! !

पाऊस पडतोय , पावसात गाऱ्या -गाऱ्या भिन्गोऱ्या करायची ईच्छा झाली , पावसाचे तुषार वर उडवायची ईच्छा झाली , तर तुम्हांला बाल दिनाच्या शुभेच्छा ! !

रस्त्यात मैत्रीण पाठमोरी दिसली , मागून जाऊन तिच्या खांद्यांना पकडून 'भॉ ssss  ' करायची ईच्छा झाली तर तुम्हांला बाल दिनाच्या शुभेच्छा ! !

कोणाचा तरी तळपाय उघडा दिसला , गुदगुल्या करायची ईच्छा झाली तर तुम्हांला बाल दिनाच्या शुभेच्छा ! !

आणि .....
काही दिवस 'कट्टी' झाल्यावर 'बट्टी' घ्यायची तीव्र ईच्छा झाली तरच तुम्हांला बाल दिनाच्या शुभेच्छा ! ! !

अशा कितीतरी छोट्या -छोट्या गमती -जमती विसरत आपण आयुष्य जगायचे कसे तेच विसरलो आहोत !

आपल्यातल्या खोडकर , व्रात्य , हसऱ्या बालमनाला  साद घालू या .....
द्या टाळी ! ! !

🙏🙏

 बालदिनाच्या हार्दिक शुभेच्छा...


🙏🙏

✍🏻 सनविर नरवाडे
✍🏻 दिनांक 14/11/2019