सोशल तरुणाई फाउंडेशन - वैभव मोरे

नमस्कार !!! 
माझ्या जिगरबाज, जिंदादिल ,सळसळत्या रक्ताच्या आणि जिवंत मनाच्या तरुण बंधू-भगिनींनो,

"चलो कुछ अलग करेंगे" या वाक्याने प्रेरित होऊन मा.बाबासाहेब सरकटे आणि प्राध्यापक दिलीप चव्हाण सर या दोन अवलियांनी भविष्याचा वेध घेता. आणि आजची वास्तविकता लक्षात घेता. दिशाहीन झालेल्या तरुण हा कुठेतरी प्रवाहाच्या योग्य दिशेने वाटचाल करेल. आणि आपल्या भारत देशाला आर्थिक महासत्ता बनवण्यासाठी हातभार लावेल. या संकल्पनेतून दिशाहीन आणि व्यसनाधीनतेच्या आहारी गेलेल्या सर्व तरुणांना योग्य दिशा दाखवून त्यांना उचित मार्गदर्शन करण्यासाठी "सोशल फाउंडेशनची स्थापना" केली आहे.

प्रत्येक तरुण हा त्याच्यावर झालेल्या संस्काराने घडत असतो. तेच संस्कार त्या तरुणाचे त्या युवकाचे पोषण करत असते.आणि तेच संस्कार त्या तरुणांची काही काळानंतर मर्यादा बनते.
मित्रहो,
तरुण पिढीचे फार मोठे तांत्रिक आर्थिक आणि सामाजिक परिवर्तन झालेले दिसून येत आहे . त्यामुळे आपल्या पिढीचा येणारा काळ हा कसा असेल याची आपण कल्पनाही करू शकत नाही.

तरुण म्हणजे काय ?

तरुण म्हणजे " वय "हा एक कधीच लावता येणार नाही. असा व्यक्ती जो तन मन आणि धनाने या समाजासाठी काम करतो.जो समाजाला कल्याणाच्या दिशेकडे घेऊन जाण्यासाठी मार्गदर्शन करतो. किंवा त्या पद्धतीचा विचार करतो. जो कोणत्याही मानवीय रूढी परंपरा अंधश्रद्धा अन्यायकारी विचारसरणीला न चिटकून राहता फक्त आणि फक्त एक सशक्त आणि सुदृढ समाज बनवण्यासाठी धडपडत असतो तोच खरा तरुण असतो.

याच विचारसरणीतून 73 व्या भारत मातेच्या स्वातंत्र्य दिनाचे औचित्य साधून 15 ऑगस्ट 2019 ला ,
"सोशल तरुणाई फाउंडेशनची" स्थापना झाली .

आणि त्याच दिवशी आपल्या भारताला स्वातंत्र्य मिळवून देण्यासाठी रक्त सांडणारया क्रांतिकारकांना श्रद्धांजली वाहण्यासाठी प्रथम रक्तदान करून प्राध्यापक दिलीप चव्हाण सर, प्राध्यापक मिलिंद सर, प्राध्यापक हरकळ सर आणि माननीय . बाबासाहेब सरकटे सर इत्यादी मान्यवरांनी मिळून तुमचा-आमचा जिव्हाळ्याचा प्रश्न म्हणजेच "तरुणाई" या नावाने काहीतरी वेगळे करून दाखवू या उदांत आणि निस्वार्थ भावनेतून आपण सर्व तरुणांसाठी सोशल फाउंडेशनची स्थापना केली.

आणि आता याच सोशल तरूणाई फाऊंडेशनच्या माध्यमातून दिशाहीन झालेल्या तरुण-तरुणींना योग्य दिशा दाखवण्यासाठी विविध निरनिराळे उपक्रम राबविले जात आहेत.

सुशिक्षित तरुण तरुणींना व विद्यार्थ्यांना "स्पर्धा परीक्षेसाठी" मोफत मार्गदर्शन तथा "पोलीस भरती", "सैन्य भरती पूर्व प्रशिक्षण" मोफत मिळणार असल्याची माहिती तरुणाई फाऊंडेशनचे सहकारी माननीय विनोद गवई सर (पोलीस कॉन्स्टेबल) यांच्याकडून मिळाली..

आपण बघत आहोत की आजचा तरुण वर्ग हा सोशल मीडियाच्या महाभयंकर जाळ्यात गुंतून पडला आहे. आणि यामुळे तरुण हा पूर्णपणे दिशाहीन झाला आहे. तरुणांमध्ये कुठेतरी समाज सेवेची भावना निर्माण व्हावी.

आपण समाजात राहतो आणि आपल्याला समाजाचे काही देणे आहे ही भावना प्रत्येक तरुण-तरुणींच्या युवकांच्या मनात रूजू करावी हाच एक निस्वार्थ उद्देश आहे. एकविसाव्या शतकाचे दुसरे दशक संपत आले आहे आणि आता या कालावधीत आपण सार्वत्रिक दारिद्र्यामुळे वंचित जनसमूह धर्मनिरपेक्षते वरील हल्ला आणि अभिव्यक्ती स्वातंत्र्यावरील बंधने समाजातील भ्रष्टाचार अंधश्रद्धा इत्यादी समस्यांवर वैज्ञानिक पद्धतीने निर्भयपणे आणि परिणामकारकतेने मात देण्यासाठी आपल्याला या सोशल फाउंडेशनच्या माध्यमातून कार्य करायचे आहे.

आणि निश्चितच येणाऱ्या भविष्यात भारताला आर्थिक महासत्ता बनविण्यासाठी आपल्या या सोशल तरूणाई फाऊंडेशन महत्त्वाचं योगदान या ठिकाणी असणार आहे...

     वैभव मोरे
       संपादक 
 द लोणार एक्सप्रेस