कुणी रस्ता देत का रे? रस्ता? - अविनाश मैराळ

कुणी रस्ता देत का रे? रस्ता?
एका गावाला कुणी रस्ता देत का ?

एक गाव दवाखाण्यावाचून ,लाईटवाचून,
गाडी-एसटी वाचून,
शासकीय सोईवाचून
मागे-मागे हिंडत आहे
जिथून कुणी अडवणार नाही अशी एक जागा धुंडतय.
कुणी रस्ता देत का? रस्ता ?

To be or not to be that is d question…
होईल का नाही हा एकच सवाल आहे.
ह्या शासनाच्या, नेत्यांच्या एका मताचा पुतळा होऊन जगावं बेशरम लाचारासारखं?
 का सोडून द्यावी ह्या सर्वांचीच आशा लक्ष नसलेल्या ह्या गावाकडं?
 आणि आपणच सर्वानी करावी सुरुवात एकाच प्रहाराने?
 स्वतःसाठी, परिवारासाठी, भविष्यासाठी.अत्याधुनिक सुखसुविधांनी गावाचा असा कायापालट करावा..

.की येथील नेत्यांना, शासनाला लाज वाटली पाहिजे स्वतःची...पण मग...पण मग...विरोधक आडवे आले तर...?
 तर...तर... इथेच प्रश्न आहे. स्थानिक नेत्यांना व प्रशासनाला थेट प्रश्न करण्याचा धीर होत नाही म्हणून आम्ही असं सहन करतोय वर्षानुवर्षे कमरेवरून जाणार पाणी...
सहन करतो त्या चिमुकल्यांचे शिक्षणासाठी चिखलात होणारे हाल....
स्वतःच्या अस्तित्वासाठी झगडणारा आमचा बाप ह्याच चिखलात पडतो
आणि पुन्हा उभा राहतो आमच्या भविष्यासाठी. बापा...
कसा रे तू इतका सहनशील झालास?
एका बाजूला आम्ही ज्यांना निवडून दिल ते आम्हाला विसरतात
आणि दुसऱ्या बाजूला लोकशाहीची ओळख देणाऱ्या देशा तुही गावाला विसरलास.
मग भरलेल्या अपेक्षांचे आणि प्रश्नाचे ओझे घेऊन हे देशा....
आम्ही गावकऱ्यांनी कोणाला आमची व्यथा सांगायची? कोणाला प्रश्न करायचा ?
कोणाला ??

                                                                                                                    लेखक 
                                                                                                          ( द लोणार एक्सप्रेस )
                                                                                                             अविनाश मैराळ  
                                                                                                  www.lonarexpress.blogspot.com